'YAN SANDA SUN YI NASARAN CETO YARA GOMA SHA BIYU 12 BAYAN AN YI SAFARAR SU DAGA JAHAR GOMBE ZUWA JAHAR ANAMBARA

'Yan sanda a jihar Gombe a ranar Litinin sun gabatar da yara goma sha biyu 'yan kasa da shekaru goma daga hannun wasu mutane hudu wayanda suka yi fataucin su wadanda suka sace yaran daga jihohin Gombe.

Kungiyar masu safarar yaran karkashin jagorancin wani tsohon kansila mai shekaru 55 daga karamar hukumar Ndemili ta Arewa a jihar Anambra, Nkechi Odiliyen wanda ya yi ikirarin mallakar gidan marayu a Anambra.

Rundunar 'yan sandan jihar Gombe ta bi diddigin yaran 19 da aka sace tun a shekarar 2017 wanda hakan ya sa aka samu nasarar dawo da biyu daga cikinsu shekaru biyu da suka gabata.

'Yan sanda sun fara farautar Nkechi wanda ake zargin ta gudu tun shekarar 2017 biyo bayan shirin da 'yan sanda suka yi na kamo ta.

Kwamishinan 'yan sanda na jihar, Maikudi Shehu yayin da yake zantawa da manema labarai a Gombe ya ce daga karshe an kama Nkechi tare da wadanda suka hada kai guda uku: namiji da mata biyu, sannan an ceto yara 12.

Ya kara da cewa Nkechi, a yayin amsa tambayoyi ta bayyana cewa ta sayar da yara goma sha daya ga wasu yan kasuwa daga Asaba a jihar Delta.

"Na sayi yara maza kan N300, 000 kuma mata kan N250, 000. Amma na sayar da kowanne akan N750, 000 ga mai sha'awar sayayya," inji ta.

Daya daga cikin abokan aikin nata, daga jihar Gombe ita ma ta yi ikirarin sayar da yaran ga matsafa.

Ta tabbatar da cewa ta ba Nkechi yara bakwai da aka sace. Saurayin nata, mai shekaru 29 daga jihar Taraba amma bai yarda da CP din ba wanda ya fadawa manema labarai cewa ya sayar da yaransa biyu a kan kudin da aka amince dasu ga Nkechi. 

Ya ce ya ba da yaransa biyu don tarbiyya yadda ya kamata a hanyar Kiristanci kuma bai taba karbar wani kudi ba. Amma Faith Nkpor, wata da ake zargi wacce aka tsare fiye da shekara guda ta ce ta taba sayo yara maza biyu daga kungiyar.

Gwamnatin jihar ta bakin kwamishinan tsaro na cikin gida, Dauda Batari ya danganta yawaitar safarar yara ga ayyukan wuraren shakatawa na motoci ba bisa ka’ida ba, yana mai alkawarin daukar matakin gwamnati game da hakan.

Takwararsa na harkokin mata, Naomi Awak ita ma ta bayyana a matsayin abin takaici na azabtar da su shekaru uku na raba su da iyayensu.